வாழ்ந்தேன்......

 

வாழ்ந்தேன் வாழ்ந்தேன் என்கிறாய்

எப்படி வாழ்ந்தாய்....?

உனக்காக வாழ்ந்தாயா.......?

பிறர்க்காக வாழ்ந்தாயா.....?

பெற்றோருக்கு நல்ல பிள்ளையாய் இருந்தாயா....?

மனைவிக்கு நல்ல கணவனாய் இருந்தாயா....?

உன் பிள்ளைகளுக்கு நல்ல தகப்பனாய் இருந்தாயா....?

நாட்டுக்கு நல்ல குடி மகனாய் இருந்தாயா.....?

உன் நாவை கட்டுப்பாட்டில் வைத்து இருந்தாயா....?

இல்லைஎன்றால் அதற்கு பெயர் வாழ்க்கை இல்லை

ஆம் என்றால் அதை நீ கூற வேண்டியது இல்லை.

திசை மாறும் காற்று

வாசனை திரவியம் பூசி

வலம் வந்த காலம்
அதற்கு பெயர் இறந்த காலம்

நோய் வாய் பட்டு படுக்கையில்
காலை கடனை கழிக்கும் நிலை
இதற்கு பெயர் நிகழ்காலம்

உடலை துணியில் சுற்றி
நிரந்தர உறக்கம் என்பார் மண்ணறையில்
அதற்கு பெயர் எதிர்காலம்

தவறான வழியில் திரவியம் தேடி
ஈன்று எடுத்த செல்வங்களுக்கு
அள்ளி கொடுத்தாயே

இன்றோ உன்னை
திரும்பி பார்க்க
நாதியில்லை உலகத்திலே

இவையெல்லாம் மறந்து நாம்
ஆடும் ஆட்டங்கள்
எக்காலத்திற்கும் பயன் அன்று.

புரட்சி

மக்கள் புரட்சி

மனிதனின் உரிமைக்காக

பணத்திற்காக அல்ல

நல்ல மனதிற்காக

பணத்தை அபகரிக்க

பிணத்தை குவிக்கும் கூட்டம்

தீய வழியில் சேர்த்தாய்

தீனி இடுகிறாய் நோய்க்கு

நன்மையை தேடு

நலம் பெறுவாய்.

பாவங்கள்!!!

கண்கள் பார்கின்றன!

செவிகள் கேட்கின்றன!

உயிர் பிரியவில்லை!

செய்த செயல்கள்

விழி திரையில்!

பாவத்தின் எண்ணிக்கை

கொஞ்சமா நஞ்சமா?

மன்னிப்பு வேண்டும்

மண்ணறைக்கு செல்லும் முன்!!!

விளையாட்டு!

விளையாட்டு இன்று

விலை ஆயிற்று

காணும் கண்களும்

காசும் விரயம்

வெற்றி எனும் கனவும்

விதண்டாவாத வெறுப்பும்

சொன்னாலும் புரிவதில்லை

கேட்கும் நிலையில்லை

பலன் யாருக்கு........?

பணம் யாருக்கு......?

சுனாமி

சில நிமிடங்கள்

சிதறுண்ட நகரம்

கோர பிடியில் மக்கள்

நினைத்தேன் குலை நடுங்கியது

பிறப்பிற்கும் இறப்பிற்கும்

இடம் கொடுத்தாய்

இன்றோ உயிருக்கும் உடமைக்கும்

உலை வைக்கின்றாய்

ஏன் இந்த சோதனை

ஏகனின் சோதனை!!!

 
 

அழகு

வகை எத்தனை எத்தனை

அழகு சாதனம்

தேடி தேடி பிடித்தும்

தென்படவில்லை முகத்தின் மாற்றம்

வீண் அலைச்சலும்

பண விரயமும் தான் மிச்சம்

அகத்தின் அழகை

சரி செய்தால்

முகத்தின் அழகு கூடும்

காலம் கடந்தாலும்

சில கருத்துக்கள் கடப்பதில்லை

 

யோசி நேசி

பலரை சிரிக்க வைக்க

சிலரை அவமதிக்கிறாய்

சில லட்சத்திற்காக

பல லட்சம் மனதை

வேதனைபடுத்துகிறாய்

உனக்கே இல்லை

வாரண்டி

நீ விற்கும்

பொருளுக்கு

எதற்கு வாரண்டி

போட்டி

யாருக்கு போட்டி

எதற்கு இந்த போட்டி

ஏன் இந்த போட்டி

முத்தம் போட்டி.......ஆம்

காம கயவர்கள்

மனம் குளிர இந்த போட்டி

உலக அழகி போட்டி......ஆம்

உன்னவன் ரசிக்க வேண்டியதை

ஊரான் ரசிக்கின்றான்

இதற்கு பெயர் போட்டியா?

ஊரை கேட்டியா?

காறி உமிழ்வாள் உன் பாட்டி.

தேவை....

யாருக்கு இல்லை........தேவை

உன்ன உணவு தேவை

உடுத்த உடை தேவை

அருந்த நீர் தேவை

சுவாசிக்க காற்று தேவை

வாழ்க்கைக்கு துணை தேவை

பாசத்திற்கு பிள்ளை தேவை

அறிவுக்கு கல்வி தேவை

அமைதிக்கு கண்ணியம் தேவை

நாட்டை ஆள அறிவு தேவை

பிறரை நேசிக்க நல்ல மனம் தேவை

ஆசைக்கு பதவி தேவை

வியாதிக்கு பணம் தேவை

ஒட்டு மொத்தத்தில் நல்ல குணம் தேவை

இல்லை.......இல்லை......?

இல்லை என்று

யாருக்கும் சொல்லவில்லை

என்கிறான் அவன்

அவனே கூறும் பொழுது

நாம் அப்படி

கூறலாமா என்ன?

அவன் நாடினால்

நிச்சயம் நடக்கும்

அதற்கு உரிய நேரத்தில்

மனிதா உன் பலமும்

உன் பலவீனமும்

இன்று பணமே...

மனம் என்னும்

வார்த்தை இன்று

காற்றில் கரைகிறது........

தற்கொலை...​...?

ஏன் இந்த தற்கொலை

யாருக்காக இந்த தற்கொலை

எதற்காக இந்த தற்கொலை

இதனால் நீ சாதிக்க தான் முடியுமா?

உன் தற்கொலையை

பயன் படுத்தி சாதித்தவர்கள் யார்?

நீ பின்பற்றும் மார்க்கம்

உன்னை தற்கொலைக்கு அனுமதிக்கிறதா?

இந்த கொலை செயலை

செய்ய தூண்டியவர்கள் யார்?

இந்த செயலை

அவர்கள் செய்வார்களா?

இல்லை அவர்கள்

குடும்பத்தை செய்ய அனுமதிப்பார்களா?

உன்னை பயன்படுத்தி அவன்

கண்ட இலாபம் உனக்கு தெரியுமா?

இதற்கு பெயர் வீரமா?

இல்லை இல்லை இது கோழையின் செயல்

போராடு போராடு

நேர்மையான முறையில் போராடு

உன் உடலில் வலிமை

உள்ளவரை போராடு

வெற்றி நிச்சயம்! உன்

நேர்வழிக்கு வெற்றி நிச்சயம்!!

கொடுக்கவில்லை....

மனிதா...


இறைவன் உனக்கு

எதை கொடுக்கவில்லை என்கிறாய்



இந்த உலகத்தையும் அதன்

வெளிச்சத்தையும் காண

இரண்டு கண்களை கொடுத்துள்ளான்



உன் தேவைகளை செய்துகொள்ள

பிறரின் தேவைக்கு உதவ

இரண்டு கைகளை கொடுத்துள்ளான்



உன் விருப்பம் போல்

இந்த உலகை வலம் வர

இரண்டு கால்களை கொடுத்துள்ளான்



பிறரை அன்பால் நேசிக்க

நல்ல மனதை

உன் வசம் கொடுத்துள்ளான்



ஒட்டு மொத்தத்தில்

உன் உடலில் நல்ல

ஆரோக்கியத்தை கொடுத்துள்ளான்



இதையெல்லாம் கொடுத்த

அவனுக்கு நீ

என்ன கொடுத்துள்ளாய்...?


என்னுடைய இந்த கவிதை தமிழ்குடும்பம்.காம் யில் பிரசுரமாகியுள்ளது  .

சுயநலம்

கலை என்ற பெயரில்

கலாச்சார அழிவு

விளம்பரம் என்ற பெயரில்

பெண்களை போதை பொருள் ஆக்கி

பெண்ணினத்தை அவமதித்தல்

போட்டி என்ற பெயரில்

மனிதனின் வாழ்க்கையோடு

விளையாடி பார்த்தல்

புகழுக்காக தன்

மானத்தையும் இழக்க

தயங்காத கூட்டம்

பணத்திற்காக பகல்

வேஷம் இடும்

பகல் கொள்ளையர்

உனக்கும் உண்டு

ஒரு நாள் இறப்பு

மறந்து விடாதே.....

மன உறுதி

கண்டேன் அவனை

சோகம் படிந்த முகம்

'விரக்தியான கண்கள்;

தளர்ந்த நடை;

ஒழுங்கில்லாத உடை;

வருந்துகின்ற தோற்றம்;

எதிலுமில்லை நாட்டம்;

கேட்டேன் அவனை

நோய் என்றான்

அவன் உடலிலா

இல்லை மனதிலா?

ஓ உடலை பாதித்தால்

அது மனதை பாதிக்குமோ

அதற்கு தான் மனதில்

உறுதி வேண்டும் என்றார்களோ.....



அச்சம்............இல்லை .........

ஓ மனிதா....

உன் மனதில் சுத்தமில்லை

உன் செயலிலில் சுத்தமில்லை

உன் வார்த்தையில் சுத்தமில்லை

புகழ் மட்டும் வாழ்க்கையில்லை

புரிபவருக்கு அதில் இடமில்லை

ஆசைக்கு எல்லையில்லை

அதற்கு ஒரு விலையில்லை

சிந்தனைக்கு இடமில்லை

பிறர் மனதில் இடமில்லை

மனிதா இந்த நிலையற்ற உலகில்

உன் ஆணவத்திற்கு எல்லையில்லை

இன்னுமா நீ மாறவில்லை? -எனில்

உனக்கு மன(தில்) நிம்மதியில்லை!

உனக்கு மனதில் அமைதியில்லை!

தென்றல்

என் சுவாச காற்றில்

இனம் புரியா ஓர் உணர்வு

ஆம் அந்நிய மண்ணை

என் பாதம் தொட்டு விட்டது

தாயகத்தின் தென்றலை

பாலைவனத்தில் காண்பது என்பது

கானல் நீர் தானே.

விமான நிலையத்தில் வந்து இறங்கியவுடன் மனத்தில் தோன்றியதை இங்கு உங்கள் முன் வைத்துள்ளேன்.

இதயம்

தலை முதல்

கால் வரை

உன் கட்டுபாட்டில்

சிறிது சிணுங்கினால்

உடல் துவண்டுவிடும்

உன் அசைவை

நிறுத்தினால் .......

உடல் சாம் ராஜ்ஜியம்

அழிந்து விடும்.

திருமணம்

இரு மனம்

இணைந்தால்.....

அது திரு மணம்

அதுவே வாழ்வின்

நறு மனம்

இதன் விளைவு

புது மனம்

ரமலான்

வருக... வருக...


ரமலானே.....



உன் வருகைக்காக

என் விழி முதல்

செவி வரை

காத்திருக்கின்றது



என் மனதை சுத்தம் செய்ய

என் நாவை கட்டுப்படுத்த

உன்னை விட்டால் வேறு

யாரும் கிடையாது எனக்கு



வருடம் ஒரு முறை

உன் வருகை

ஒட்டுமொத்த உள்ளத்தையும்

ஒளிரச் செய்கின்றாய்

மனமே....

மனம்........................ஓ

அது நீ........... தானோ

கவிதை என்ற பெயரில்

கனவுகளை உருவாக்கியதோ நீ தானோ

நீ வாசிகின்றாயா......இல்லை

பிறரை நேசிக்கின்றாயா...

கற்பனை உலகில் ஓங்கி நிற்கின்றாய்

கள்ளங் கபடமற்றவர்களையும்

கவி பாட வைக்கின்றாய்

கவிதை என்ற பெயரிலே

பலரை கவிழ வைத்திருகின்றாய் .

இவை எழுத காரணம் என் நண்பர்களின் தூண்டுகோல் பல கவி மான்களை கண்ட நாகூரில் பிறந்து விட்டு கவிதை என்ற பெயரில் ஏதாவது கிறுக்கு என்றார்கள் , கவி மான்களின் பெயரை கெடு என்கிறார்கள், இவற்றில் பிழை இருந்தால் மன்னிக்கவும்.